Sosialy

Famatsiana herinaratra Miha mafy isan’andro ny fikorontanana

Sosialy
Alatsinainy 16 Mey 2022

Eo ihany ny fahatapahan-jiro lavareny fa eo indrindra koa amin’izao fotoana izao ny fanahian’ireo mpanjifan’ny orinasa Jiro sy rano Malagasy manoloana ny filatsahan’ny tanjaky ny jiro sy ny fitaovana mandeha amin’ny

herinaratra vatsian’ny JIRAMA na “tension” moa izany. Tsikaritra nanomboka ny marainan’ny omaly io tamina fokontany sasantsasany teto an-drenivohitra, hany ka tsy mahazaka mampandeha ireo fitaovana toy ny fahitalavitra sy vata fampangatsiahana anatin’ireo tokantrano koa ny tosik’izay herinaratra azon’ny JIRAMA vatsiana izay. Miha mafy isan’andro, araka izany, ny tsy filaminan’ity famatsiana herinaratra ity. Ny an’ireo kaominina hafa toy iny Itaosy sy ny manodidina iny moa dia tsy hita intsony izay ilazana azy, hoy ny fitarainan’ireo mponina.
J. Mirija