Sosialy

Fakana na famindrana taova Tsy vita maimaika fa mandalo dingana maro

Sosialy
Alakamisy 31 Janoary 2019

Nahoraka be teto amintsika tato ho ato ny resaka halatra taova. Nanomboka tamin’ny fisian’ireo ankizy nisy naka an-keriny na very teto an-drenivohitra ka hatramin’izao

. Raha ny resaka nifanaovana tamin’ny dokotera Hary Rakotondratrema, tompon’andraikitra voalohany eo anivon’ny Espace médicale Saint Michel Andravoahangy anefa dia tsy vita mora fa ilana dingana maro ny fakàna taova. Ho an’ny fanoloana voa ho an’olon-droa fotsiny, ohatra, dia notsiahiviny fa mila manao karazana analizy ilay olona manana voa alaina. Mbola jerena ihany koa raha mifanaraka amin’ny voan’ilay marary ny voany na tsia. Tafiditra ao anatin’izany ny fijerena ny maloto rehetra, ny ra … Ankoatra izay, raha maka taovan’olona iray dia misy ny fe-potoana tsy maintsy hajaina hitondrana iny taova iny mankany amin’ny toerana ilana azy mba tsy hahafaty ilay sela ao anatiny. Mifanaraka amin’izay koa ny hafanana takiany. Raha tena misy anefa izany, tsy eto amintsika velively no ilana azy fa tsy maintsy any ivelany. Mikasika ireo karazan-javatra nampiasain’ireo mpaka an-keriny nafafy tamin’ireo ankizy mpianatra lasibatra moa dia nilaza ity dokotera ity fa mety ho karazana vovoka rongony manempotra na mahatorana avy hatrany izany raha vao mifoka azy na koa mety ho tsindrona.

Pati