Fahatapahan-drano eto Antananarivo

Partagé sur :
• facebook

Tsy lohataona, tsy ririnina, tsy fahavaratra fa misy olana hatrany

famatsian-drano eto Antananarivo. Anatin'ny fotoam-pahavaratra izay mahabe ny rotsak'orana isika izao, kanefa maro ireo fokontany no mampiaka-peo noho ny fahatapahan-drano lavareny, am-bolana na an-taonany mihitsy. Niverina nitokona indray ny tetsy Ampandrianomby ny alarobia teo taorian'ny fitokonana nataon'izy ireo ny volana novambra teo. Raikitra ny fandrehetana afo sy fanakanan-dalana. Efa enim-bolana mahery izao no tapaka lava ny rano eny an-toerana dia nidina an-dalambe izy ireo. Raikitra ny fandorana vatan-kazo sy kodiarana ; tabataba sy fitsofana kiririoka ary tapaka ny fifamoivoizana noho ny hatezerana. « Mba tsy rariny kosa raha ny rano izay tena ilaina isan’andro no lasa mampisy fandaniana mihoa-pampana be indray isan’andro. Izahay izao dia voatery mividy rano iray bidon 1500 Ar rehefa tena tsy mahita. 1000 Ar no mba azoazo izay mba omen’ny mpiray vodirindrina manana paompy an-trano’’, hoy ny mponina. Isan'ny filana fototra sady mariky ny aina ny rano, ary raha ny fahitana azy, tsy ritra ny eny Mandroseza, kanefa dia olana mandavan-taona ny rano. Lasa haingo ambony tsikoko ny tetikasa maro izay hanaovana sehoseho ivelany toy ny teleferika, raha ny rano aza mbola olana goavana ho an'ny renivohitra. hanaovana sehoseho ivelany toy ny teleferika hitrosana vola tsy tiko tsy forohana, raha ny rano aza mbola olana goavana ho an'ny renivohitra.
Toky R
 

Tia Tanindrazana

Samia mijoro ho an'i Gasikara.