Sosialy

Fahasosorana anaty fiarahamonina Miroborobo firehitra toy ny afon-jozoro

Sosialy
Alakamisy 09 Aprily 2020

Faritra maro no mbola tsy misitraka ny fanomezana atolotry ny fanjakana na ilay teo aloha na ny rafitra loharano ankehitriny.

Ny eny Atsimondrano toa ny an’ Antsahadinta na tsena mora aza tsy nisy, hoy ny olona any an-toerana. Ny eto an -drenivohitra ,ny fokontany Ankadifotsy sy ny Ambodivona samy tsy nahazo ny loharano hatreto. Mimenomenona koa ny mpivarotra hani-masaka fa ny hariva no mandeha ny tsena nefa vao mitatao vovonana dia efa tonga ny mpitandro filaminana, ary tsy maintsy mirava. Ny tsy fanajana ny fihibohana an-trano moa dia efa manginy fotsiny. Mitohana ny fiara isa maraina amina faritra maro toy ny eny amin ny fasan ny karana,Anosizato, Ampasika.... Maro ny tranga mendrika fambara, tokony hahamailo ny mpitantana satria ahiana ny fipoahana ara-tsosialy mahatsiravina raha tsy voavaha haingana izao olana izao.

Rabeso