Sosialy

Fahasalamana sy fanatanjahantena Hifanampy hijery ireo mpiasam-panjakana ny Asief sy ny ANS

Sosialy
Alarobia 27 Febroary 2019

Ny 75 %-n’ireo mpiasam-panjakana eto amintsika amin’izao no fantatra fa mijanona anaty birao fotsiny fa tsy manao fanatanjahantena.

Amin’ny ankapobeny anefa raha araka ny fanazavan’ny tale jeneralin’ny Akademia nasionalin’ny fanatanjahantena etsy Ampefiloha dia tena handanian’ny fanjakana volabe tokoa ny fitsaboan-tena. Vahaolana tsotra anefa, hoy izy dia efa hahafahana misoroka izany toy ny fanaovana fanatanjahantena, ny fitandremana ny sakafo hanina. Mpampiofana miisa 25 no miatrika fiofanana etsy amin’ny Ans Ampefiloha nanomboka afaka omaly haharitra 15 andro. Tanjon’ny Asief izay mpikarakara ny hahafahan’izy ireo mampita ny fiofanana eny anivon’ireo minisitera hiasany avy hananan’ireo mpiasam-panjakana fahasalamana tomombana hahafahany miatrika araka ny tokony ho izy ny asany. Ora enina isan’andro moa no miatrika fiofanana ireto mpampiofana ireto, ary hahazo mari-pankasitrahana izy ireo aorian’izay.

Pati