Sosialy

Fahasahiranana sa hadalana ? Saika natsipiny tao anaty rano maloto ny zanany

Sosialy
Talata 04 Febroary 2020

Tena mihabiby ny olombelona. Asa na noho ny fahantrana diso tafahoatra na noho ny fahasahiranana fa renim-pianakaviana iray indray omaly teny 67 ha no nikasa hanipy

ny zanany lahy vao 12 volana tao amin’ny lakan-dranon’Andriantany izay hivarinan’ny rano maloto. Saofera mitondra fiara, sendra nandalo tamin’iny lalana iny no nahatsikaritra ny fihetsiny ka nidina avy hatrany nanavotra ilay zaza tsy manan-tsiny. Ireo mponina teny amin’ny manodidina no nanampy ilay mpamily ka avotra soa aman-tsara ilay tsy manan-tsiny.Sorena ireo fokonolona ka saika niharan’ny fitsaram-bahoaka ilay reny. Natahotra ity farany ka nitomany sy nangovitra ary nanazava fa saika hivalan-drano teo amoron-drano izy tamin’io fotoana io kinanjo votsotra tampoka ilay zaza. Nanizingizina kosa ny hafa, indrindra fa ilay mpamily fa niniany natao ilay fihetsika. Naterin’ireo polisy avy ao amin’ny boriborintany faha-7 eny amin’ny polisy misahana ny zaza tsy ampy taona eny Tsaralalana moa ity renim-pianakaviana iray ity niaraka tamin’ilay zanany kely izay saika nalatsany tao anaty rano.

Pati