Sosialy

Fahasahiranana Betsaka ireo mpanofa trano voaraoka

Sosialy
Alarobia 12 Aogositra 2020

Tranga maro no iainan’ny vahoaka Malagasy nandritra ity fihibohana nateraky ny fiparitahan’ny COVID 19 teto amintsika ity.

Ankoatra ny tsy fihinanan-kanina ara-dalana intsony dia tsy tambo isaina ireo very asa. Tsy lazaina intsony ireo nanadaboka ny fianaran-janany ho amin’ny taona ho avy mihitsy noho ny tsy fananana fahafahana amin’ny fandoavana ny saram-pianarana, indrindra fa ho an’ireo mampiana-janaka amin’ny sekoly tsy miankina. Ireo azo hiafiana ihany fa ny tena loza dia betsaka ihany koa ireo voaraoka tamin’ny tranony noho ny tsy fahafahana nandoa hofan-trano ara-dalana intsony. Raha araka ny resaka nifanaovana tamina tompon-trano iray dia misy amin’ireo mpanofa no tsy nandoa hofan-trano intsony hatramin’ny volana aprily no mankaty. Ho an’ity tompon-trano ity anefa dia ny hofantranony no hividianany sakafo hanina isan’andro hany ka voatery nandroaka izy. Tsy misy intsony ny fampiomanana hoy izy na ny “préavis” satria efa efa-bolana izao ny hofantrano no tsy voaloha izay tsy hantenaina intsony ka aleo hafoy tanteraka.

Pati