Sosialy

Fahasahiranam-bahoaka Mitohy ny antso politikam-pitsitsiana

Sosialy
Alakamisy 04 Aogositra 2022

Nisy omaly ny antso avo nataon’ny GEN (Groupe des Experts Nationaux) miantefa amin’ny Filoham-pirenena mba hamoaka didy hametrahana politikam-pitsitsiana. Isan’izany ny :

fatsaharana ny fandoavana tambin-karama ho an'ny mpiasam-panjakana ambony, famerana ny fampiasana solika ary atsahatra ny fanomezana «chèque carburant », atsahatra ny lanonana mandany volam-panjakana toy ny fitokanana samihafa, amidy ny fiaram-panjakana lafo vidy,… Ilaina ny fitoniana, ny fifanakalozan-kevitra, ny fakan-kevitra, hoy ny GEN. Tsy vao sambany no nisy fanambarana tahaka izao fa efa betsaka no nampaneno lakolosy momba ny tokony hanehoana izay fitsitsiana izay, tahaka ny Filankevitra momba ny fampihavanam-pirenena, ny firaisamonim-pirenena samihafa,… Moa mba misy mihaino ve ?
Toky R