Sosialy

Fahapoizinana ara-tsakafo faobe Tranga fito no niseho ny taona 2019

Sosialy
Alarobia 18 Desambra 2019

Betsaka ireo fahapoizinana ara-tsakafo faobe nitranga teto an-drenivohitra tamin’ity taona 2019 ity. Raha araka ny resaka

nifanaovana tamina dokotera iray tetsy amin’ny hopitaly HJRA omaly mantsy dia tafakatra enina na fito izany ka olona marobe hatrany no voakasika. Mitovy avokoa ny fomba fitrangan’ny aretina toy ny mandoa sy mivalana, fanina raha misy mihitsy ny torana vokatry ny fanaikitry ny kibo. Ankoatra ny menaka sy ny maionezy, hoy hatrany ity dokotera ity dia anisan’ny tena olana goavana ihany koa ny fihinanana ireo sakafo manta sy masaka miaraka toy ny sandwich izay diso mitanin’andro loatra na dia voahidy anaty vitrine tsy tratran’ny vovoka aza. Miteraka poizina haingana ihany koa mantsy izy ireny ka miteraka loza ho an’ny fahasalamana. Ho an’ireo ankizy mpianatry ny sekoly katôlika iray teto an-drenivohitra niharan’ny fahapoizinana ara-tsakafo faobe moa dia fantatra fa mbola naverina notsaboina ao amin’ny hopitaly HJRA indray omaly ilay olon-dehibe iray lasibatra voalaza fa mpahandro sakafo raha efa nalefa nody avokoa ny mpianatra.

Pati