Fahantrana lalina

Misy mangalatra hatramin’ny varavaran-gabone

Sosialy
Alatsinainy 22 Aprily 2024

Trano fivoahana iray na gabone, hoy isika, izany hoe WC eny Ambodimita no

nisy nangalatra ny alin’ny zoma teo ny varavarany, raha ny fampitam-baovaon’ireo mponina. Tsy nisy naheno na inona na inona ireo tompon-trano fa hifoha maraina andeha hivoaka vao gaga rehefa nahita ity trano fivoahana tsy misy varavarana ity intsony. Mahantra loatra isika malagasy no dikan’izany, hoy ny fanehoan-kevitr’ireo nahita ny toe-draharaha. Mety ho neverin’ilay mpangalatra fa varavarana trano fonenana kosa angamba, hoy koa ny fanehoan-kevitra hafa, saingy na ahoana na ahoana aloha dia heverina fa mariky ny fahantrana lalina foana ny fisehoana raharaha tahaka itony. Misy mangalatra hatramin’ny varavaran-gabone.
J. Mirija