Sosialy

Faha-50 taonan’ny Eau Vive Hisy fifaninana maka sary hahazoana loka

Sosialy
Zoma 13 Novambra 2020

Feno 50 taona ny rano voavotra Eau Vive, an’ny orinasa Star. Nanomboka omaly ny fankalazana, izay nosantarina tamin’ny fitsidihana ny ozinina SEMA eny Andranovelona, niarahana tamin’ny mpanao hetsika.

Hetsika maro samihafa no entina hanamarihana izany. Hisy ohatra ny loka omena ny mpanjifa izay mandefa doka fohy eny amin’ny haino aman-jery tao anatin’izay 50 taona niarahana izay. Toraka izany koa ny ao anatin’ny pejy fesibokin’ny Eau Vive izay hisy lalao lehibe hahafahan’ny rehetra mifampizara ireo sariny miaraka amin’ny Eau vive 50 taona. Tsy hanavahana ity lalao ity fa natao ho an’ny rehetra. Na izany aza hisy kosa ny mpitsara matihanina hijery izany arahin’ny fifidianan’ny daholobe hahafahana mijery izay sary mendrika indrindra. Hahazo loka tsy hampoizina moa ireo sary telo voalohany tsara indrindra. Tsiahivina moa fa ho hita amin’ny etiketin’ny tavoahangina Eau vive izany fankalazana ny faha-50 taonany izany.

Pati