Sosialy

EPP Ampitatafika vaovao Mihoatra ny 100 ny ankizy nampodiana fa tsy nandoa vola

Sosialy
Alarobia 30 Oktobra 2019

Mitohy hatrany ny olana eny anivon’ireo sekolim-panjakana EPP maro samihafa eto amintsika,

taorian’ny fanambarana nataon’ny minisitry ny fanabeazam-pirenena fa tsy handoavam-bola intsony ny mampiana-janaka eny anivon’ireny sekoly ireny. Betsaka ireo ray aman-dreny tsy niomana ara-bola intsony, antony mahatonga ireo ankizy mpianatra sasany tsy maintsy nampodian’ny talen-tsekoly. Ho an’ny EPP Ampitatafika vaovao, distrikan’Antananarivo Atsimondrano manokana dia fantatra fa nahatratra 100 ireo ankizy tsy maintsy nampodiana afak’omaly. Nahatratra 37.200 Ar mantsy ny vola notakiana tamin’ireo ray aman-dreny isanisany, hoy ny vaovao. Miantso ny filoham-pirenena mba hanazava mahakasika ity raharaha ity izy. Ankoatra io vola aloa io mantsy dia mbola alaina amin’izy ireo ihany koa ny vidina bileta, ny tabilio simba tsy maintsy amboarina ankoatra ny fiantohana ny karaman’ireo mpampianatra izay tsy voaray ho mpiasam-panjakana.

Pati sy Marigny A.