Sosialy

Epicerie Misy miverina misokatra amin'ny hariva

Sosialy
Zoma 17 Aprily 2020

Tahaka ny antso an-tany efitra ihany ny nataon'ny ministeran'ny atitany hatrizay satria tsy voahaja amin'ny ampahany betsaka ny fepetra amin'ny fihibohana, indrindra fa amin'ireo kaominina sy fokontany ivelan'Antananarivo renivohitra.

Mikatona tokoa ireo trano fivarotana rehefa tonga ny amin'ny 12 ora atoandro, saingy maro amin'izy ireo no miverina misokatra rehefa amin'ny 4 ora sy sasany na amin'ny 5 ora hariva any ary mikatona indray amin'ny 6 ora sy sasany na amin'ny 7 hariva any.Ny antony raha ny fanadihadiana natao dia amin'io ora io no miverina miantsena indray ny olona eo an-tanàna ho an'ny sakafo hariva ka mila vary,menaka, paty, trondro sira, labozia.Efa tahaka izay ny fomba fiana hatrizay ary tsy niova mihitsy amina fokontany maro.

RTT