Sosialy

Ekolazy isam-bolana Ny 50 %-n’ny mpianatra no mahaloa ara-dalàna

Sosialy
Sabotsy 14 Jolay 2018

Ny 50 %-n’ny mpianatra raha betsaka indrindra amin’izao no mahaloa saram-pianarana ara-dalàna, izany hoe mialoha ny fahadimin’ny volana hitsahina ho an’ireo sekoly tsy miankina.

Ny ampahatelony dia efa manakaiky ny faran’ny volana avokoa vao mahaefa izany raha mbola hifampitadiavana kosa ny 25 % ambiny. Noho ny fahasahiranana sedrain’ny ray aman-dreny ankehitriny no antony ka ny vanim-potoana manakaiky ny fanadinana fifindran-kilasy sy ny fanadinam-panjakana tahaka izao no tena mafy amin’izy ireo. Tsy maintsy mandoa ny karaman’ireo mpampianatra ao aminy mantsy ny sekoly nefa tsy misy mahaloa saram-pianarana ara-potoana eo an-daniny ireo ray aman-drenin’ny mpianatra. Vokatr’izay tranga izay dia voatery mandefa ireo mpianatra mody mihitsy izy ireo amin’ny farany na koa tsy manome ny taratasy fiantsoana azy hiatrika fanadinana. Misy fiantraikany amin’ny sain’ireo mpianatra anefa izany, indrindra fa ho an’ireo hiatrika fanadinana koa hanairana antsika ray aman-dreny. Na inona na inona mantsy fahasahiranana dia anisan’ny tsy azo leferina ny fampianaran-janaka.

Pati