Sosialy

Efa tena tsy zaka ny krizy Mangataka ny hiasa ireo mpikarakara lanonana

Sosialy
Alarobia 12 Aogositra 2020

Nivory teny amin’ny Kianjan’ny Kanto Mahamasina ny mpanakanto sy ny mpisehatra rehetra eo amin’ny fikarakarana lanonana omaly 11 aogositra. Namoaka volavolan-kevitra hiraisana handinihana ny olana ateraky ny Fihibohona.Ventin-

kevitra niraisana ny hanokafana ny asa sy fangatahana fanampiana avy amin’ny fanjakana, ary fangatahana fampindramam-bola. Natrehan’ireo solontem-panjakana avy amin’ny Ministeran’ny Kolontsaina ka asa izay ho setriny sy tohiny satria ny Filoham-pirenena ny alahady teo dia naneho fa mbola tsy azo atao ny mamory olona mihoatra, mbola mikatona ny toeram-pilanonana,…. Manantena izahay fa mba hijery hijery akaiky ny fasahiranana mianjady ny tontolon’ny fanaovana sy fikarakarana lanonana ianao Atoa Filoha hajaina, hoy kosa ireo mpanakanto sy mpandraharaha, izay efa 5 volana izay no nizakana ny mafy.

Toky R