Sosialy

Efa-bolana tsy nianatra Nidina an-dalambe ny mpianatry ny pôliteky

Sosialy
Talata 28 Janoary 2020

Leo ny tsy fianarana mandritra ny fotoana maharitra ireo mpianatra eny amin’ny pôliteknika Vontovorona.

Raha araka ny fanazavan’ny filohan’ny mpianatra Andrianjanaka Toky Nambinina omaly mantsy dia efa efa-bolana izy ireo izao no tsy afa-nianatra ara-dalàna intsony vokatry ny fitokonan’ireo mpampianatra mpikaroka sy mpikaroka mpampianatra. Eo an-danin’izay dia tsy hankasitrahan’izy ireo ihany koa ny nanafoanan’ny minisitry ny fampianarana ambaratonga ambony sy ny fikarohana siantifika ilay fanaovana memoire de licence ao amin’ny taona fahatelo izay nomarihin’ity filohan’ny mpianatra ity manokana fa tena manan-danja be amin’ny fiatrehany ny fikarohana hataony sy ireo namany any aoriana. Voatery nidina an-dalambe izy ireo omaly mitaky ny hamerenana haingana ny fampianarana sy hamerenana amin’ny laoniny io memoire de licence io. Efa nisy moa tamin’ny herinandro lasa teo ny 72 ora nomen’ireto mpianatra ireto ny mpitondra fanjakana saingy tsy nisy mpihaino izany. Andrasana raha mbola hitohy anio ity fitokonana hataon’ny mpianatry ny politeknika eny Vontovorona ity na tsia.

Pati