Sosialy

Dr Fiarovana Lovanirina Manentana ireo tantsaha hitahiry vary

Sosialy
Alakamisy 28 Mey 2020

Fotoanan` ny fararano ny mponina any amin` ny distrikan`i Betafo. Misy fidinan` ny vidim-bary any amin` ireo toerana fanangonam-bary.

Manodidina ny 800 ariary sy 1 000 ariary ny kilaon` ny vary akotry, ary 5 000 ariary hatramin`ny 7 000 ariary ny daba any ambanivohitra. Manoloana izany, miantso ireo tantsaha mba hitahiry ny variny ny solombavambahoaka voafidy tany amin` ny disitrikan`i Betafo, Dr Fiarovana Lovanirina Célestin. 90%n` ny mponina ao Betafo rahateo dia tantsaha avokoa. Namafisiny hatrany fa tokony hiomana isika amin` izoa fiatrehana ny aretina “coronavirus” izao satria tsy afaka hanondrana vary ireo firenen-dehibe toa an` Inde sy Sina. Mamporisika hatrany ny tantsaha ny tenany hanao laharam-pahamehana ny fitahirizana vary fa tsy ho faly hivarotra fotsiny, kanefa afaka telo volana, hividy lafo avy roan a telo heny amin` ireo mpanam-bolam indray.

Marigny A.