Sosialy

Distrikan’Atsimondrano Efa-bolana ny olan’ny rano sy jiro tsy mety voavaha

Sosialy
Talata 05 Febroary 2019

Saika manao ny tomban’ny fotoam-piasany tamin’ny naha solombavambahoaka azy avy ireo depiote amin’izao fiafaran’ny fotoam-piasan’izy ireo izao.

Ho an’ny depiote ao Atsimondrano, Voahangy Raharimanarivo manokana dia mandry ny eritreriny satria raha nisy lalàna nofidiana dia izay nahasoa vahoaka ihany no nananganany tanana. Depiote tsy voavidy vola aho, hoy izy, tamin’ireny fotoana nanambazana volabe ny tety Tsimbazaza ireny ary niady mafy ny mba hanatsarana ny fotodrafitrasa tety Atsimondrano. Olana goavan’Atsimondrano ny resaka rano fisotro madio sy jiro izay efa-bolana no nampikaikaika, anisan’ny tena mijaly noho ny fahatapahan’ny rano efa ho ora folo isan’andro ny eny Itaosy, Avarabohitra, Ampitatafika,Ambavahaditokana... Ratsy, hono, ny fantsona. Mitombo ny isan’ny mponina dia io mivoaka io moa, hoy izy, ny politika ankapoben’ny fanjakana ka ho hita eo.

J. Mirija