Sosialy

Disadisam-piarahamonina Resaka WC no nidarohana olona

Sosialy
Sabotsy 02 Mey 2020

Raim-pianakaviana mpanofa trano sy vehivavy tompon-trano iray monina ao Antalaha no niharan’ny herisetra nataona lehilahy iray mpiambina tanana ny 23 Aprily teo tokony tamin’ny 06 ora hariva.

Raha tsiahivina kely ny tantara dia taitra mafy ity raim-pianakaviana raha nahita ilay lehilahy nanao maloto tao amin’ny trano fivoahana (wc) izay mbola tsy vita. Nahatafavoaka teny mahery izy noho izany izay tao anatin’ny hatezerana rahateo. Notsenain'ilay lehilahy mpiambina nangalatra nivoaka tao amin’ilay trano fivoahana ity farany nandritra izany. Ankoatra ity farany dia mbola nodarohan’ity lehilahy ity ihany koa ilay ramatoa tompon-trano, izay niezaka nanelanelana. Samy naratra mafy avokoa moa ny roa tonta nandritra izany. Ny ampitso ihany dia nandeha nametraka fitoriana teny amin’ny polisy ao Antalaha ireto farany ary nosamborina avy hatrany ilay nahavanon-doza. Akory anefa ny hagagan’ny mpitory ny ampitson’iny fa efa naverina nody tany an-tranony ilay mpidaroka ary ity farany indray no lasa nametraka fitoriana.

Pati