Depiote voafidy

tao Tsiroanomandidy Mila manao fikaonandoha

Sosialy
Talata 21 Jolay 2026

koa ny tantsaha mpamokatra

Mila manao fikaonandoha koa ireo tantsaha mpamokatra any amin'ny faritra Bongolava hoy ny solombavambahoaka voafidy tany amin'ny distrikan'i Tsiroanomandidy Randrianarivelo Lucien fa tsy hiandry ny Fitondram-panjakana foana. Jerena eny ifotony mihitsy ny olana sedrain'izy ireo hoy izy toy ny halafosan'ny vidin'ny masomboly sy ny zezika arahin'ny fitadiavana lalam-barotra dia hangonina ary hoentina eo anivon'ny Fitondram-panjakana. Toraka izany koa ny tokony hanomezana fiofanana tsy mitsahatra entina hanatsarana ny vokatra miakatra. Hampandraisana anjara fitenenana avokoa ny eny anivon'ny Fokontany hoy hatrany ity solombavambahoaka ity, tohizana eny anivon'ny kaominina sy distrika amin'izay tsy hisy ho very anjara. Notsiahiviny moa fa mañana anjara toerana lehibe amin'ny fampandrosoana ny Firenena ireo tantsaha mpamokatra ka tsy tokony hatao ankilabao. Hiainga any amin'ny Faritra Bongolava araka izany ny fikaonandoha hotanterahin'ny tantsaha koa andrasana izay mety ho tohiny. Ny 80%-n'ireo vokatra miakatra eto an-drenivohitra moa dia saika avy any amin'ny faritra Bongolava avokoa raha tsiahivina ka lohalaharana amin'ireny ny vary, ny voamaina....Tany mamokatra sady manan-karena ity faritra iray ity.
Pati

Légende : Tany mahavokatra ny faritr'i Bongolava !