Sosialy

Depioté Rodin Rakotomanjato Nanolotra dabilio tao Ambohimandry

Sosialy
Alakamisy 30 Janoary 2020

Tonga nanotrona ny fametrahana samboady ny Ben’ny tanana voafidy tao amin’ny Kaominina Ambohimandry Atoa Rakotoarisoa Réné Fidèle,

izay ao anatin’ny distrika iadidiany ny depioten’i Madagasikara voafidy tao Arivonimano Rodin Rakotomanjato. Lany tamin’ny anaran’ny antoko Tiako i Madagasikara tamin’ny isan-jato ambony ity ben’ny tanàna ity. Indroa misesy amin’izao Rakotoarisoa Réné Fidèle no lany Ben’ny Tanana. Ny Sabotsy 25 janoary 2020 ihany koa no nanoloran’ny depioté Rodin Rakotomanjato ny dabilio ho an’ny fokontany miisa telo ao amin’ny Kaominina Ambohimandry. Marihina fa dia nitaraina tamin’ny depiote ireo fokonolona fa dia mipetraka amin’ny tany ireo mpianatra koa dia izao novalian’ny solombavambahoaka izao ny hetahetany. Na tsy asan’ny depiote aza izany, dia niditra an-tsehatra nitondra ny anjara birikiny ity olom-boafidy ity satria mijaly loatra ireo mpianatra.

Toky R