Sosialy

Delegen’ny boriboritany eto Antananarivo Miofana momba ny lalàna mifehy ny fiterahana

Sosialy
Alakamisy 22 Jolay 2021

Hatramin’ny omaly ary hifarana anio dia miofana momba ny lalana mifehy ny fiterahana ireo delegen’ny boriboritany eto Antananarivo renivohitra.

Ny lalana mikasika ny fandraketana ireo zaza vao teraka na ny resaka fahaterahana moa, raha hazavaina misimisy kokoa, no tena votoatin’ity fiofanana tontosaina etsy amin’ny lapan’ny tanana etsy Analakely ity. Ny eo anivon’ny tribonaly misahana ady voalohany na TPI sy ny fitantanana ny fiofanana sy fanavaozan-dalana eo anivon’ny minisiteran’ny fitsarana moa, no mitan-tsoroka ny fampiofanana, raha ny fanazavana. Andrasana, araka izany, ny mety ho fivoarana mikasika izay fandraketana ara-panjakana ny resaka fiterahana eto Antananarivo izay ao aorian’izao fiofanana izao.
J. Mirija