Sosialy

COUM 67 HA Tetezana kely efa nandratra olona

Sosialy
Zoma 04 Janoary 2019

Tetezan-kazo kely iray no ahiana hamono olona mihitsy etsy Coum 67ha mihazo ny lalam-baovao raha tsy misy ny fanamboarana azy.

Raha araka ny fanazavan’ireo mpampiasa lalana eny an-toerana dia efa am-bolana izao no tsy nisy mpijery ity lalankely ity izay marihina fa manasasaka ny arabe mihitsy ary efa nandratra olona maro. Tafiditra ao anatin’izany ireo zokiolona sy ankizy avy mirava mianatra, indrindra rehefa avy be iny ny orana. Miantso ny fitondram-panjakana mba hijery akaiky ity lalana ity ireo mponina eny an-toerana. Tsiahivina moa fa betsaka ireo mpamùily fiara voafitak’ity tetezan-kazo kely ity raha vantany vao hariva ny andro ka tsy vitsy ireo efa simba fiara teo.

Pati