Sosialy

CORPS DE PROTECTION CIVILE 16 taona namonjena ain’olona

Sosialy
Alatsinainy 25 Novambra 2019

Efa hofanina amin’ny famonjena ain’olona ihany koa ankehitriny ny miaramila.

Lohalaharana amin’izany ny fanampiana ireo latsaka an-drano, ny fanavotana ireo tototry ny vatobe na trano nihotsaka toy ny nitranga teny Ampamarinana, ny hain-trano goavana…. Nivoitra ireo nandritra ny fankalazana ny faha-16 taona nijoroan’ny “Corps de protection civile” eny Ivato teto amintsika ny sabotsy lasa teo. Fantatra tamin’izany fa anjaran’ity CPC ity ny miandraikitra ny vonjy voina any amin’ny sehatra rezionaly raha an’ny sampana mpamonjy voina kosa ny eto Antananarivo sy ny manodidina. Na izany aza mifamatotra ny roa tonta ary samy manana tanjona hanavotra ny ain’olona sy ny fananany. Narahina fampisehoana ny traikefa efa hananan’ireo miaramila izany. Tsiahivina moa fa olona an-jatony no efa nahazo tombontsoa tamin’ny fijoroan’ity CPC ity.

Pati