Sosialy

CNaPS teny amin'ny LMA Niresaka momba ny fiahiana ara-tsosialy

Sosialy
Alatsinainy 28 Desambra 2020

Nihaona tamin’ ny mpianatra ao amin’ ny kilasy faharoa, ao amin’ ny Lisea Maoderina

Ampefiloha (LMA) ny tale jeneralin’ ny Tahirim-pirenena misahana ny fiahiana sosialy (CNaPS), Mamy Rakotondraibe, ny herinandro lasa teo. Nisy ny fampahafantarana ny mombamomba ny fiahiana ara-tsosialy sy ny andraikitrin’ ny CNaPS toy ny fanampiana omena ny fianakaviana, ny fisotroan-dronono, ny solon-takaitra raha sendra loza am-perinasa, ny reny bevohoka sy ny volan-jaza, sns… Namaly ireo fanontaniana nanitikitika ireo mpianatra ny tale Mamy Rakotondraibe ary tsy nisy elanelana teo amin’ny andaniny sy ny ankilany. Marihana fa zava-dehibe ny kilasy faharoa ho an’ ny mpianatra satria io no fotoana handraisana fanapahan-kevitra mikasika ny sampam-pianarana ka izay indrindra no nahatonga ny CNaPS nisafidy azy ireo amin’ izao fihaonana izao. Nanambara moa ny teo anivon’ ny CNaPS fa ho filamatra santatra ity fihaonana amin’ ny mpianatra natao teny amin’ ny LMA ity ary hotohizana amin’ ny taona 2021.

Marigny A.