Sosialy

CASH POINT eto an-drenivohitra Nalana ireo mibahana ny lalan’ny mpandeha an-tongotra

Sosialy
Talata 04 Febroary 2020

Miroso amin’ny asa fanalana ireo mpivarotra amoron-dalana tsy ara-dalana hatrany ny kaominina Antananarivo renivohitra.

Anisan’ny voakasika omaly ireo “cash point”, fakana sy fandefasam-bola amin’ny alalan’ny finday naorina eny amin’ny lalan’ny mpandeha an-tongotra. Teny Tsaralalana dia sady manelingelina ny lalana fidiran’ny marary izy ireny no mibahana ny mpandeha an-tongotra ihany koa ka voatery milatsaka any amin’ny arabe ireto farany. Tsy mora ny fanatanterahana ny asa noho izy manohina ny tombontsoa an’olon-tokana. Tsy maintsy hatao anefa satria ny tombontsoa iombonana ny tanjona dia ny mahasoa ny mponina sy ny tanànan’Antananarivo. Tsiahivina moa fa tsy ho an’ny faritra Tsaralalana irery ihany fa maniry ohatra ny anana ny cash point eto an-drenivohitra ary saika mipetraka amina toerana tsy ara-dalana avokoa.