Sosialy

Carnaval MOTOCAN 2019 Hanohana ny BAREA ireo « 2 roues »

Sosialy
Alarobia 03 Jolay 2019

Hiray hina, hanohana ny Barea, izay ekipa Malagasy miatrika ny lalao baolina kitra mandritra ny CAN, ireo mpankafy “2 roues” na “moto” eto Antananarivo.

Amin’ny alahady izao, ny 7 jolay, no hanatanterahana an’ity “carnaval” ity etsy amin’ny lapan’ny kolontsaina sy ny fanatanjahantena Mahamasina, manomboka amin’ny 2 ora tsy diso. Hihazo an’Anosy, Analakely, Antanimena, Ankorondrano ny “Carnaval”, ary hiverina eo Mahamasina indray. Nambaran’ny mpikarakara fa maitso, fotsy ary mena ny fanamiana hanaovana. Ireo mpikambana anaty vondrona mpankafy “moto” sy marika “moto” manokana toy ny SGT, TEAM Glide, ary ireo “team” maro na manana “moto” fotsiny no antsoina amin’izany. Nanentana ireo ho tonga ihany koa izy ireo mba hitondra vovozela, sainam-pirenena, “siflet”. Marihina fa amin’ny alahady amin’ny 7 ora hariva no lalao manaraka hifanandrinan’ny Barea amin’i Congo.

Marigny A.