Sosialy

CALL CENTER Mikarama 500.000 Ar isam-bolana ny tanora iray

Sosialy
Alatsinainy 13 Janoary 2020

Asa tena miroborobo ary mamelona tanora maro eto amintsika ny “Call Center” ankehitriny. Manoro hevitra ireo mpanjifa teratany

vahiny no tena hatao amin’izany ka ny fahaizana mifehy ny teny frantsay izany hoe : mihaino sy mamaly no tena ilaina amin’izany, tsy hitakiana diplaoma saingy nandalo tao amin’ny kilasy famaranana kosa farafaharatsiny, ary feno 18 taona. Mikarama 500.000 Ar isam-bolana ny tanora iray miasa amin’izy ireny, raha araka ny fanadihadiana natao. Ora valo isan’andro izy no miasa, mahazo fakan’aina roa andro isan-kerinandro miampy ireo karazana tombontsoa maro samihafa. Betsaka ireo tanora roboka amin’io asa iray io vokatr’izany, antony nanosika ny ABC School etsy 67 ha, hanome fiofanana ireo tanora liana amin’ity asa iray ity. Iray volana monja ny fiofanana raha afaka misafidy izay ora mahamety azy ny mpianatra tsirairay saingy mianatra isan’andro kosa. Tanora miisa 80 indray no navoakan’ity ivontoeram-pampianarana ity ny faran’ny herinandro teo nahazo ny diplaoma momba ny fahaizany mifehy ny resaka call center. Andiany fahatelo izy ireo izay marihina fa tovovavy avokoa ny ankamaroany.

Pati