Sosialy

Boriborintany fahefatra Hiezaka hizara sakafo hatrany

Sosialy
Zoma 26 Oktobra 2018

Olona sahirana miisa 300 no nisitraka ny fanomezan-tsakafo maimaimpoana teny amin’ny fokontany Ankazotoho Anosimahavelona, izay nokarakarain’ny boriborintany fahefatra, ao amin’ny Kaominina Antananarivo Renivohitra (CUA).

Ny sampandraharahan’ny fiahiana ny fokontany moa no nandray andraikitra feno tamin’izany. Vary amin’anana miampy laoka no natolotra ireo mponina sahirana. Tonga nanatrika teny an-toerana, nisolotena ny ben’ny tanàna, Lalao Ravaloanana, ny mpanolotsain’ny tanàna voafidy teny amin’iny boriborintany iny, Ezekiela Ralaimoria. Ny fitsinjovana ny sahirana ara-pivelomana toy izao, hoy izy, dia ao anatin’ny toromarika nomen’ny Ben’ny tanàna. Ny ezaka dia mbola hotohizana hatrany manerana ireo fokontany izay mandrafitra ny boriborintany fahefatra.

J. Mirija