Sosialy

Boriborintany fahatelo Hahazo fotodrafitrasa miavaka izay tanàna tena madio

Sosialy
Zoma 12 Oktobra 2018

Raikitra ny fifaninanana tanàna madio, eo anivon’ny Boriborintany fahatelo. Mialoha ny hanatanterahana ilay tetikasa fanamboarana fotodrafitrasa entina hanatsarana ny tanànan’Antananarivo no hanatontosa izany, mba hampisy lanja ny fotodrafitrasa mitsangana.

Hovatsian’ny mpiara-miombon’antoka vola mantsy ny kaominina Antananarivo Renivohitra, entina hanatanterahana izany. Fanamboarana sekoly ambaratonga fototra, sekoly ambaratonga faharoa ary lisea no hatao, miampy toeram-panasan-damba izay mbola mamelona fianakaviana maro eto amintsika. Nisy ny fivoriana notarihin’ny delegen’ny Boriborintany fahatelo, niaraka tamin’ireo tompon’andraikitra eo anivon’ny Fokontany miisa 36 ao an-toerana, omaly. Ny 15 oktobra ho avy izao moa ary haharitra efa-bolana, no hanatanterahana an’ity tetikasa fifaninanana tanàna madio ity, ho azy ireo. Izay Fokontany voalohany hibata ny amboara amin’izany no hahazo ny fotodrafitrasa voalohany sady hahazo tombony bebe kokoa amin’ny rehetra.

Pati