Sosialy

Boriborintany faha-4 Zazalahy kely 60 isa natao didimpoitra faobe

Sosialy
Sabotsy 25 Aogositra 2018

Zazalahy kely miisa 60 no natao didimpoitra faobe omaly zoma 24 aogositra tao amin’ny CSB II Namontana, niarahana tamin’ny kaominina Antananarivo Renivohitra.

Nitarika ny hetsika teny an-toerana Ramahandrimanana Solofoniaina Daniel, delegen’ny boriborintany fahefatra notronin’ireo mpiara-miasa akaiky aminy sy ireo ekipa avy tao amin’ny BMH (Bureau Municipal d’Hygiène). Ny dokotera Rakotoarivelo Nirivo Solofohajaniaina no nitarika ny hetsika. Taorian’ny fandidiana dia nanolotra malabary sy kilalao ary bisikoitra ho azy 60 mirahalahy ireo ny boriborintany fahefatra. Tsy niasa irery ny kaominina Antananarivo teo am-panatanterahana izao hetsika izao, fa nisy ny mpiara-miombon’antoka izay nanome fanampiana ara-panafody toy ny « Pharmacie de Namontana ». Tafiditra indrindra ao anatin’ny vinan’ny Ben’ny tanànan’Antananarivo Renivohitra Lalao Ravalomanana moa izao didim-poitra faobe izao, ho fitsinjovana hatrany ny fahasalaman’ny reny sy ny zaza.

Pati