Sosialy

Boriborintany faha-4 Olona 800 nozaraina kopia maimaimpoana

Sosialy
Alatsinainy 05 Oktobra 2020

Mbola maro ireo olona tsy manana kopia mari-pahaterahana eto amintsika. Lohalaharana amin’ireny ny ankizy madinika izay efa tokony handia ny varavaran-tsekoly.

Mba ho fanajana ny zon’izy ireny sy hahatonga azy ho tena olom-pirenena manana ny zony feno dia nizara kopia mari-pahaterahana maimaim-poana ny Boriborintany faha-4, kaominina Antananarivo renivohitra. Olona miisa 800 no nisitraka izany izay fantatra fa tsy mbola nanana kopia mari-pahaterahana hatramin’izay nahaterahany mihitsy. Vokatry ny fiaraha-miasan’ity Boriborintany iray ity tamin’ny fikambanana Koloaina no angady nanana sy vy nahitana izany. Faly tamin’izao hetsika goavana nataon’ny roa tonta entina hanampiana ny mpiara-belona izao moa ireo vahoakan’ny Boriborintany faha-4. Maro tamin’ireo ankizy tokony hianatra amin’ity taona ity mantsy no saika tsy afaka ny handia ny varavaran-tsekoly noho ny tsy fananany kopia.

Pati