Sosialy

Black Nadia mpihira Tsy nanadino ireo sahirana manodidina azy

Sosialy
Alatsinainy 07 Janoary 2019

Tsy manadino ireo olona sahirana manodidina azy, indrindra fa ireo ankizy madinika tsy manan-tsiny i Kantoniaina Ornella Edith Nadia na i Black Nadia mpihira amin’izao taona vaovao 2019 izao.

Tonga nijery ireo ankizy kamboty sy sahirana beazina ao amin’ny SOS Village d’enfants Vontovorona ny tenany ny sabotsy 5 janoary lasa teo. Ankoatra ny fihainoana ny hetahetan’ireo ankizy madinika miisa 132 nandray azy tamin’izany dia tsy hadinony ny nivimbina fanomezana toy ny fotsimbary telo gony, vatomamy 100 fonosana, paty 3 baoritra, savony 4 baoritra niampy lamba firakotra maro isan-karazany. Tao anatin’ny hafaliana tanteraka no nandraisan’ireo ankizy madinika ireo ity mpanakanto iray ity, raha toraka izany koa i Black Nadia izay marihina fa efa diso zatra loatra misehatra amin’ny asa sosialy tahaka izao amin’ny maha renim-pianakaviana azy. Tsiahivina moa fa teny amin’ny La Réunion kely" Ampefiloha no nanaovan’ity mpanakanto iray ity hetsika tahaka izao tamin'ny taon-dasa. Toeran-kafa indray no hanohizany izany izay nomarihiny manokana fa vokatry ny ezaky ny tenany samy irery.

Pati