Sosialy

Biraon’ny Kaominina mikatona Nahemotra avokoa ny fisoratam-panambadiana

Sosialy
Alarobia 25 Martsa 2020

Nikatona avokoa nanomboka ny alatsinainy 23 martsa teo ireo biraom- panjakana eto amintsika. Tafiditra ao anatin'izany ny fokontany sy ny kaominina ialana amin'ny fivorivoriana sy iadiana amin'ny aretina coronavirus.

Ho an'ny fisoratam-panambadiana manokana dia nahemotra avokoa izy ireny. Ho an'ny kaominina Itaosy raha araka ny fanazavan'ny Ben'ny tanàna Randrianarisoa Jean Richard dia tsy ilay olona 2 na 3 manatrika no olona fa ilay biraom-panjakana mihitsy no nakatona. Raha sanatria ka misy olona maty araka izany eny anivon'ny faritra dia efa misy olona napetraky ny kaominina hiandraikitra izany fotsiny ary miantso an-telefaonina avy hatrany ny Ben'ny tanàna hahafahana mikarakara ireo karazana antontan-taratasy ilaina. Ireo tsy afa-miala amin'ny maty ihany araka izany no miandry faty hisorohana ilay famorian'olona izay manafaingana ny fiparitahan'ny otrik'aretina Coronavirus.

Pati