Sosialy

Besarety, Soarano, Mahazo 20 miliara ariary ny tetibola hanadiovana ireo lakandrano

Sosialy
Alarobia 20 Febroary 2019

Manohy manadio ny lakandrano ao Besarety ny Boriborintany faha-3 eto amin’ny kaominina Antananarivo Renivohitra (CUA).

Efa manomboka izao ny tetikasa goavana iarahana amin’ny Banky Eoropeanina momba ny Fampiasambola, BEI, (Banque Européenne d’Investissement) mitentina 20 miliara Ariary, hanamboarana sy hanavaozana ny lakandrano eny Besarety sy ny manodidina, andalovan’ny lalam-pirenena faha-2 sy faha-3. Miainga any Ambohimahitsy sy Mahazo ny asa amin’izao fotoana, mandalo an’i Besarety ary mifarana eo amin’ny Garan’i Soarano. Amin’ny volana mey izao vao tena handalo eo Besarety boriborintany faha-3 io tetikasa io. Hamboarina ny lalana sy ny lakandrano fandehanan’ny rano, izay miteraka fahasahiranana hatrany ho an’ny mponina sy ny mpampiasa ireo lalana ireo hatramin’izay rehefa tonga ny fahavaratra sy ny oram-be mikija. Tsy miandry ny ekipan’ny kaominina Antananarivo Renivohitra sy ny Boriborintany faha-3 ary ny GRC sampana miahy ny loza voajanahary fa avy hatrany dia nandray andraikitra nanala ny fako manentsina ny lakandrano ao an-toerana.

RTT