Sosialy

Ben’ny tanànan’Ankadimanga “Afindrao any an-toeran-kafa ny Tanamasoandro”

Sosialy
Talata 28 Janoary 2020

Tena tsy hankasitrahan’ny vahoakan’Ankadimanga ilay tetikasa tanamasoandro kasain’ny fitondram-panjakana hanotofana tany

an’aliny ha eny Ambohitrimanjaka sy ny manodidina hoy ny Ben’ny tanàna Razafinanja Befandro, omaly. Tena tsara ilay tetikasa, hoy izy saingy tsy tokony ho eny amin’iny faritra iny no hanatanterahana izany satria manimba ny foto-piveloman’ny mponina. Notsiahivin’ity Ben’ny tanàna vaovaon’Ankadimanga ity mantsy fa tena tany mamoka-bary Ambohitrimanjaka sy Ankadimanga ka tsy tokony hotsinontsinoavina. Nomarihiny manokana fa taorian’ny nandraisany ny fahefana amin’ny maha Ben’ny tanàna azy dia tsy mbola nisy loatra ny resaka nifanaovany tamin’ny mpitondra mikasika ity tetikasa tanamasoandro ity. Mitohy isan-kerinandro ny tolona hataon’ny mponina tompon’ny tany eny amin’ny sampanana Ambohitrimanjaka, hoy izy

Pati