Sosialy

Bemasoandro Itaosy Trano iray may kila vokatry ny fandrehetana labozia

Sosialy
Alatsinainy 18 Novambra 2019

Toy ny faritra rehetra dia misedra fahatapahan-jiro matetika ihany koa ny eny Bemasoandro Itaosy eny.

Tokantrano iray no nidiran-doza vokatr’izany ka may kila ny entana tao ambony rihina raha tsy nisy kosa ny naratra na ny aina nafoy. Ny zoma alina teo no nitrangan’izany vokatry ny fandrehetana renim-pianakaviana iray labozia tao amin’ny efitrano nisy azy. Nitatra izany ka tsy maintsy niantsoana ny sampana mpamonjy voina. Maromaro ireo vatan-dehilahy tonga namono afo saingy anisan’ny olana nosedrain’izy ireo kosa ny halaviran’ny paompin-drano nahafahana namono ny afo raha ny vaovao azo. Na izany aza nisy ihany ireo entana tao ambany rihina tafavoaka. Hetahetan’ireo mponina eny Bemasoandro Itaosy ny tokony hametrahana sampan’ny mpamonjy voina eny an-toerana hanafainganana ny famonjena raha sanatria ka misy voina tahaka ireny.

Pati