Sosialy

Bemanevika-Sambava Mbola nikiry nanao "Braderie" ireo mpivarotra

Sosialy
Sabotsy 11 Aprily 2020

Taitra ny mponina tao Bemanevika Sambava ny alakamisy lasa teo raha nahita ireo fiara nitondra entam-barotra hanaovana ''braderie''.

Niteraka resabe ity hetsika ity satria toa mifanohitra ny amin'ny efa notapahana teo anivon'ny Faritra Sava. Nahoana no nosakanana ny hetsika sasany, kanefa ity "braderie" ity indray no avela mitety Faritra”, hoy ny fimenomenonan'ny mponina. Ny mpikarakara indray dia manambara hoe “efa kely ny vola am-pelatananay ka tsy maintsy hanao izao izahay fa ny fanjakana tsy hanome fanampiana anay aty lavitra aty. Eto izahay miteny fa tsy tompon’andraikitra amin'izao braderie ataonay izao ny Prefe, sy ny ben'ny tanàna ao Bemanevika. Etsy andaniny, nanamafy ny ben' ny tanànan' i Bemanevika, Be Denis, fa tsy nanome fahazoan-dalana azy ireo ny tenany. Mpikambana mpivarotra eo amin'ny 19 eo no manao izao tsenam-barotra izao nanomboka omaly ka haharitra herinandro.

Marigny A.