Sosialy

Belalanda Tokantrano 3000 ho vatsiana herinaratra

Sosialy
Alakamisy 18 Jona 2020

Napetraka omaly ny vato fototr’ilay ivotoerana famokarana herinaratra ao Mangily, kaominina Belalanda, distrikan’i Toliara-II. Tokantrano miisa 3 000 tafo no hisitraka ny herinaratra 400 KW vokarina avy amin’ity toerana ity, raha ny fanazavana.

Efa manomboka ny asa ka afaka enim-bolana dia hotokanana izany. Ankoatr’izay dia fokontany miisa 50 no hananganana fotodrafitrasa famokarana herinaratra azo avy amin’ny herin’ny masoandro tahaka izao amin’iny Distrikan’i Toliara faharoa iny amin’ity taona ity. Ny Talen’ny fampandrosoana sy ny fotodrafitrasa avy eo anivon’ny Faritra, ny Dr Risite Heriarivelo no nisolontena ny Governoram-paritra Atsimo andrefana, ny Dr Ranoelson Edally Tovondrainy, izay nitarika ny delegasiona nametraka izany ny alatsinainy teo, hoy hatrany ny fanazavana.

J. Mirija