Sosialy

Bealanana Alika romotra nanaikitra olona 8

Sosialy
Alatsinainy 21 Desambra 2020

Olona miisa 8 no nokaikerin’ny alika romotra tany amin’ny distrikan’i Bealanana raha araka ny vaovao azo.

Voa mafy avokoa ireo olona izay nifanehitra taminy raha araka ny fantatra ka nisy tratra tany amin’ny tongony ny sasany, nisy ihany koa voa teo amin’ny valahany izay marihina fa alika mirenireny eny an-dalambe avokoa. Ho an’ity zazalahy kely iray amin’ny sary ity ohatra dia teo amin’ny tarehiny mihitsy no lasibatra ary tena naratra mafy. Mpanao gazety iray nandeha teny an-dalana ihany koa no lasibatra ka naratra mafy. Hangatahin’ny mponina any an-toerana araka izany ny hanaovana operation hamonoana ireny alika mirenireny hisorohana ny loza mety hitranga tahaka izao.

Nangonin’i Pati