Sosialy

Partagé sur :
• facebook

Mandalo fahasahiranana ny famatsiana herinaratra eto amin’ny Tambazotra Iraisan’Antananarivo

noho ny fihenan’ny rano mampiodina ny toho-dranon’Andekaleka, izay miantoka ny iray ampahatelon’ny herinaratra vatsiana eto amin’io tambajotra io, hoy ny Jirama. Amin’izao fotoana izao, zara raha mamokatra 22MW ity tobim-pamokarana herinaratry ny JIRAMA izay mandeha amin’ny rano ity, raha tokony ho 93MW izany amin’ny mahazatra. Raha atao ny kajikajy dia banga 71MW izany ny famokaran’ny Jirama, ka manery ny JIRAMA hanapaka 25MW (10%-n’ny filàna amin’ny hariva) mandritra ny adiny 2 eo ho eo na dia efa nampiasaina daholo aza ireo milina rehetra mpamokatra herinaratra eo am-pelatanana, hoy ny Jirama. Isan’ny tapaka amin’izany: ny ilany Atsimo: Andoharanofotsy sy ny manodidina; ny ilany Atsinanana: Ambohimangakely sy ny manodidina; y ilany Avaratra: Analamahitsy sy ny manodidina; ny ilany Andrefana: Itaosy sy ny manodidina ary Analakely sy ny manodidina; ny ilany Afovoany: Analakely sy ny manodidina. Vahaolana tsy maintsy hirosoana, araka izany ny fandatsahana orana any amin’ny sahandriakan’Andekaleka ary efa miomana amin’izany ny JIRAMA, miaraka amin’ny sampana mpamantatra ny toetr’andro, raha ny nambaran’io orinasa io omaly hariva. Tanterahina avy hatrany izany vantany vao feno ny fepetra rehetra handatsahana ny orana. Ny JIRAMA dia miala tsiny amin'ireo mpanjifa izay hiaran'ny fahatapahana, hoy ny fialan-tsiny mahazatra. Toky R

Tia Tanindrazana

Samia mijoro ho an'i Gasikara.