Sosialy

Atleta nikoizana lasa sahirana Tafiditra an-tsekoly ihany i Paquerette

Sosialy
Alakamisy 27 Febroary 2020

Noraisin’ny governoran’Itasy tanteraka ny fampidirana an-tsekoly an’i Paquerette ilay zazavavy kely zanaky ny sahirana lasa atlela nikoizana tany amin’iny faritra iny.

Niantohan’ny governora avokoa ny lany rehetra taminy. Ny talata lasa teo i Paquerette no niditra ny varavaran-tsekoly ao amin’ny taona fahatelo. Tonga nanatitra azy tao amin’ny EPP Mangarivotra ao Miarinarivo ny governora sy ny DREN Itasy niaraka tamin’ireo ray aman-drenin’i Paquerette. Navitrika tokoa ny anaovavy na dia hita ho somary hendratrendratra ihany aza satria ny taona 2017 izy no nanitsaka farany ny tokotanin’ity sekoly ity. Ny mba ho tafita amin’ny fianarana no tanjon’i Paquerette ahafahany ihany koa manandratra ny maha atleta azy. Velom-pisaorana an’Andriamatoa governora ity zaza ity sy ny ray aman-dreniny nialoha ny nidirany ny varavaran’ny sekoly sady latsa-dranomaso noho ny hafaliana loatra. Nilaza moa ny tenany fa hanohana an’i Paquerette hatrany amin’ny fianarana ataony fa kosa hanara-maso ny fahazotoany sy ny vokatra azony. Hiezaka hijery ny olana mety hanakantsakana azy amin’ny fianarany ihany koa ny governora