Sosialy

Partagé sur :
• facebook

Tsy mitsahatra ny fikambanana Assanati Famo Gidraka amin`ny fanampiana ny mpiarabelona. Hanasoa tsy misy tambiny no tena antom-pijoroany, indrindra fa ny vehivavy sy ireo tena sahirana.

Hatsangana tsy ho ela eto Antananarivo ny fikambanana raha efa ahitana azy kosa ny ao Mahajanga sy any Antsiranana. Tsiahivina moa fa asa soa maro no efa notanterahin’ny fikambanana Assanati Famo Gidraka. Rehefa fidiran’ny mpianatra tahaka izao moa dia ny fizarana “kits scolaires” ho an’ireo ankizy tena sahirana no tena imasoany. Nisy anefa renim-pianakaviana iray narary mafy no efa navotan`ny fikambanana tany Mahajanga izay may trano tany an-toerana ihany koa no efa nampiany taorian’ny voina nahazo azy. Ankoatra ireo dia efa notolorany kidoro éponge ihany koa ireo mponina etsy La Réunion kely, narahiny fizarana “maillot” maimaimpoana izany nandritra ilay lalao CAN 2019 notanterahin’ny ekipam-pirenena Barea tany Egipta. Nizarany vary, siramamy, menaka…. ihany koa ireo ankizy mpino Silamo tao Mahajanga niharitra nivavaka nandritra ny ramadany farany teo, hampaherezana ireto farany hanatona hatrany ilay Nahary. Raha araka ny fantatra hatrany moa dia ezahina haparitaka manerana ny Nosy ity fikambanana iray ity. Hetahetan’ny maro ny hisiana vehivavy vonona ny hanampy ny mpiarabelona tahaka an-dRtoa Assanati Famo gidraka fa tsy variana hitsikera sy hanenjika azy fahatany fotsiny.

Marigny A. sy Pati

Tia Tanindrazana

Samia mijoro ho an'i Gasikara.