Sosialy

Asa fihariana atody ao Mahitsy Ny 30 %-n’ireo mpandraharaha ihany no mandoa hetra ara-dalàna

Sosialy
Alatsinainy 29 Jolay 2019

Mitaraina ny amin’ny hafitsok’ireo mpandraharaha eo amin’ny sehatry ny atody ao amin’ny faritra iadidiany ny kaominina Mahitsy.

Araka ny fanazavan’ny Ben’ny tanàna Rakotovao Andriambololona dia ny 30 %-n’izy ireo monja no mahefa ny tamberim-bidy amin’ny kaominina ka raha tokony ho 5 hetsy Ar isam-bolana no vola aloan’izy ireo dia lasa ny antsasany sisa. Amin’ny ankapobeny anefa dia mamoaka atody 3 alina isan’andro ny ao Mahitsy havoaka hanenjehana ireo tsena anatiny, ka anisan’ireny ny ao Antanetibe Mahazaza. Misy amin’ireo mpandraharaha no mamoaka izany vao maraim-be amin’ny 1 ora maraina ka tsy hitan’ny kaominina sy ireo mpanara-maso. Mangataka ny hampitomboina ho sivy ireo polisy monisipaly ao aminy ny kaominina raha roa ihany no misy amin’izao fotoana. Mikasika ny fandriampahalemana indray dia fantatra fa efa milamindamina ny ao amin’ny kaominina Mahitsy ankehitriny.

Pati