Sosialy

Aretina pesta 7 ireo namoy ny ainy tao anatin’ny fito volana

Sosialy
Alakamisy 20 Febroary 2020

Olona iray indray tamin’ity volana febroary ity no namoy ny ainy vokatry ny aretina pesta atoditariana tany amin’ny distrikan’Ambositra.

Ny havokavoka no henjehiny raha sanatria ratsy tsabo ary amin’ny alalan’ny fofon’aina monja dia efa mifindra amin’ny manodidina, mahafaty ao anatin’ny telo na efatra andro monja. Fito kosa hatreto no totalin’ireo efa namoy ny ainy nanomboka ny volana aogositra lasa teo, hoy hatrany ny fanazavana azo raha am-polony maro ireo narary efa nahazo fanasitranana. Manoloana io tranga io dia efa nisy ny fepetra noraisin’ny minisiteran’ny fahasalamam-bahoaka tamin’ireo fianakavian’ny maty sy ny manodidina azy. Anisan’ireny ny fanomezana fanafody, ny fanondrahana ranom-panafody mamono bibikely. Manao antso amin’ny rehetra hatrany ny minisitera mba tsy handoro tanety. Hanadio hatrany ny lobolobo ao an-tanàna ihany koa hisorohana ny voalavo tsy hiakatra an-tanety ankoatra ny fanatonana mpitsabo raha vantany vao mahita tranga hafahafa fa tsy hanao dokotera tenany.

Pati