Sosialy

Antsirabe Nahazo tohana ny mpanakanto sy ny mpanao gazety

Sosialy
Alatsinainy 10 Aogositra 2020

Tonga tao Antsirabe nanatitra fitaovana hiadiana amin’ny fihanaky ny Covid 19 ny Minisitry ny Atitany sy Fitsinjaram-pahefana, Razafimahefa Tianarivelo, sy ny Minisitry ny Serasera sy ny Kolontsaina, Andriatongarivo Lalatiana, ny sabotsy teo.

Fitaovana ahitana “Tunnel désinfectant” fitaovana iray ahafahana manala ny mikraoba amin’ny vatana iray manontolo. Hapetrahana ao amin’ny CHRR na Hopitaly Atsimo io fitaovana io. Miampy ny fiara fitondrana marary sy « éxtracteur d’oxygène » miisa 10, kojakoja ary fanafody samihafa, ireo fitaovana azon’Antsirabe. Nandritra io fotoana io ihany koa no nizarana tohana ho an’ireo mpanakanto sy ny mpanao gazety, hiatrehana ny fihibohana anatin’ny hamehana ara-pahasalamana noho ny valanaretina coronavirus eto Madagasikara. Fonosana ahitana: Vary, CVO, siramamy, menaka, voamaina, ary aron-tava no nomena tamin’izany.

Jean D.