Sosialy

Antsirabe Milamindamina ny fiainam-bahoaka

Sosialy
Alakamisy 11 Jona 2020

Milamindamina ihany amin’ny ankapobeny ny fiainam-bahoaka ao an-tanànan’Antsirabe Faritr’i Vakinankaratra raha ny vaovao voaray avy any an-toerana amin’ny ankapobeny.

Efa mba afaka mivoaka manao ny asa fitadiavana an-davandro ny olona raha somary nanahiran-kirana kely ihany izany nandritra izay “confinement” nifandimby izay satria saika tantsaha mpila ravinahitra miasa tenany no maro an’isa ao amin’ity tanàna ity. Efa mandeha ny zotra rejionaly any amin’ity toerana ity ankehitriny toy ny mankany Betafo sy Mandoto sns… Manaraka an-tsakany sy an-davany ny fepetra fiarovana amin’ny fihanaky ny tsimokaretina covid-19 avokoa ny olona any amin’ity tanàna ity ankehitriny ka efa samy mitondra aro-tava tsara avokoa mba tsy hiharan’ny sazy famafan-dalana izay tena mihatra tokoa amin’izao fotoana izao.

Ntsoavina Evariste