Sosialy

Antsirabe Efa nisy tafaverina ireo nanao vary tany Ambato

Sosialy
Alarobia 17 Jona 2020

Fantatra izao, araka ny vaovao voaray avy any an-toerana, fa efa nisy tafaverina any Antsirabe Vakinankaratra ireo olona nikarama nanao vary tany Ambatondrazaka Alaotra Mangoro ka fiara mpitatitra niisa 4 aloha hatreto no tonga nitondra azy ireo.

Avy hatrany dia natokan-toerana natao “mise en quarantaine” izy ireo mba hahazoana manara-maso marina ny toe-pahasalaman’izy ireo sao sanatria misy mitondra ny tsimokaretina covid-19. Efa hody tsy ho ela any Antsirabe ny andiany manaraka amin’ireto mpiasa vary tany Ambatondrazaka ireto, hoy hatrany ny fampitam-baovao azo.

Ntsoavina Evariste