Sosialy

Antoko Humaniste Ecologique Avereno ny volan ny beantitra nalain ny CUA

Sosialy
Talata 12 Aprily 2022

Resabe ny resa-bola 11 miliara Ar an’ny CNaPS. Rehefa nijery ny kaontinn’ny Kaominina 2021 dia nisy 12 miliara tavela.

Isan’ny nimatimantesan’ny ben’ny tanàna ny fanesorana ny Easy Park. Nahazo 10 miliara Ar tamin’ny FDL (Fond de Développement Local), ka tokony tamin’izany no nandoavana ny Easy Park, raha tena nila vola, fa tsy ny volan’ny beantitra tao amin’ny CNaPS no nalaina, hoy ny Antoko Humaniste Écologique na Hasin’ny Olombelona sy ny Ekolojia misy ireo mpanolontsaina kaominaly Komba dia i Toavina Ralambomahay sy Hilda Hasinjo Ravelonahina. Ny 12 miliara Ar tokony hamerenana ny volan’ny CNaPS. Tany amin’ny zaridaina sy ny zavatra hafa izay tsy laharam-pahamehana no nandaniana ny vola, hoy ny fanamarihana. Raha toa ka tsy misy ny fampidirana ny “subvention speciale” tamin’ny volan’ny CNaPS dia hanao tsia amin’ny fandaniana ny tetibola ny mpanolontsaina KOMBA. Mikasika ny “compte adminisitratif”, dia efa nangataka ny hanoratana ao anatin’ny tetibola momba ireo orinasa ambara fa an’ny kaominina. Tokony hisy sora-bola miditra noho ny fampidirana ireo orinasa ireo, hoy hatrany ny fanambarana.
Toky R