Sosialy

Antohomadinika Mila ho tonga eny afovoan’ny arabe ny fako

Sosialy
Alatsinainy 19 Aogositra 2019

Mitaraina avokoa ireo mpampiasa lalana sy ny mponina eny Antohomadinika amin’izao fotoana izao.

Noho ny fitobian’ny fako eo akaikin’ny toeram-pivarotana atody no mahatonga izany izay sady mamofona no manangon-dalitra. Ankoatra izay, lasa miteraka fitohanana eny an-toerana ihany koa ny fako mivangongo. Mila ho tonga eny afovoan’ny arabe mihitsy noho ny tsy fisian’ireo fiarabe mpanangona fako maka avy amin’ny SAMVA. Miantso ny fandraisan’andraikitry ny tompon’andraikitra ny mponina mba hiarovana ny fahasalaman’izy ireo. Ao koa ny mpampiasa lalana. Tsiahivina fa efa ho telo herinandro izao no nivangongo ny fako teto an-drenivohitra sy ny manodidina. Ny aretina pesta anefa efa mananontanona sahady. Olona 13 isa hatreto no ahiahiana ho voany ary efa nandraisana fepetra manokana ny fitsaboana azy. Antso avo no hatao amin’ny fitondram-panjakana sy ny SAMVA. Tsy mamela mahazo mantsy ny pesta nefa ny hanin-kohanina isan’andro aza efa tena manahirana ny vahoaka.

Pati